🥘 طاجين سوسي أصيل بلحم المعزي (حلو ومالح) 🏔️✨

مقادير اللحم: بالنسبة للحم، غدي نحتاجو كيلو ديال لحم المعزي (أو على حسب عدد الأشخاص اللي عندكم)، ونص كاس صغير ديال زيت الزيتون باش نشحروه. التوابل والمنسمات: أما العطرية، فيها الملحة والابزار (حسب الذوق)، نص معلقة سكينجبير، نص معلقة خرقوم بلدي، 2 دروس ديال الثومة محكوكين، معلقة كبيرة ديال القزبور والمعدنوس للشرمولة، وشوية ديال الزعفران الحر. الخضر والدغميرة: وغدي نحتاجو 3 بصلات مقطعين مشنفين، الج
لبانة، الزبيب، البرقوق (بلا سلق)، المشمش يابس، الزيتون الأحمر، و2 فلفلات حارين. وفي اللخر كنزيدو زيت أركان.

ملاحظة: هاد الطاجين كيعطي واحد المذاق خيالي حيت كيجمع بين الملوحة والحلاوة، وزيت أركان كيعطيه لمسة سوسية أصيلة!

سلام لافامي! اليوم غدي نسافروا لجهة سوس مع هاد الطاجين اللي كيجمع بين الملوحة والحلاوة بطريقة متوازنة بزاف. لحم المعزي مع زيت أركان كيعطي واحد المذاق خيالي ضروري تجربوه وتذوقوا البنة ديال بلادنا.

🥩 اللحم (الأساس والسر ديال البنة) باش يجينا الطاجين معتبر، كنحتاجو كيلو ديال لحم المعزي أو على حسب عدد الأشخاص اللي عندكم، وكنشحروه مزيان مع نص كاس صغير ديال زيت الزيتون باش يتشرب ليدام ويجي فتي.

🧂 التوابل والمنسمات (الشرمولة السوسية) بالنسبة للعطرية، كنحتاجو الملحة والابزار حسب الذوق مع نص معلقة سكينجبير ونص معلقة خرقوم بلدي و2 دروس ديال الثومة محكوكين. بلا ما نساو معلقة كبيرة ديال القزبور والمعدنوس للشرمولة، وشوية ديال الزعفران الحر اللي كيخلي ريحة الطاجين كتشهي من بعيد وكتعطيه لون ملكي.

🧅 الخضر والدغميرة (اللوحة الفنية ديال الطاجين) باش يجينا الطاجين معسل ومنوع، كنفشو فوق اللحم 3 بصلات مقطعين مشنفين ومخلطين مع شوية الربيع، ونزيدو الجلبانة والزبيب والبرقوق اللي كنزيدوه نيشان بلا ما نسلقوه باش يطيب فمريقة اللحم ويتشرب المذاق. كنزينو كذلك بالمشمش يابس والزيتون الأحمر، وبلا ما نساو 2 فلفلات حارين للمذاق والزينة السوسية المعروفة.

✨ اللمسة السوسية الأخيرة (زيت أركان) أهم حاجة في هاد الطاجين هي زيت أركان اللي كنضيفوه في اللخر ديال الطياب، وخا هو اختياري ولكن راه هو اللي كيعطي المذاق الحقيقي والأصيل ديال منطقة سوس وكيخلي الطاجين يجي "بريستيج" بامتياز.

💡 نصيحة "مول الطاجين" طاجين لحم المعزي كيبغي يطيب على المهل وفوق الفاخر إلا كان ممكن باش يجي معلك، وما تنساوش تزيدو زيت أركان حتى يطيب الطاجين وتطفيو عليه باش تبقى النسمة ديالو قوية وباينة.

بالصحة والراحة! بارطاجيو الوصفة مع عشاق الطواجن الأصيلة! 🇲🇦❤️

طاجين سوسي أصيل بلحم المعزي (حلو ومالح)

🥘 طاجين سوسي أصيل بلحم المعزي (حلو ومالح) 🏔️✨    

------------------------------------------------------------------------------------------------  -    ---------

بالنسبة للناس اللي بغاو يعرفوا تفاصيل الوصفة كاملة، كملوا القراءة لتحت:

📝 الخطوات المفصلة لتحضير الطاجين السوسي:

مرحلة تتبيل اللحم: حطي لحم الماعز في إناء وزيدي عليه الملح، شوية البزار، نص معلقة سكينجبير، نص معلقة خرقوم بلدي، جوج فصوص ثومة محكوكة، ومعلقة كبيرة ديال القزبور والمعدنوس. زيدي نص كاس صغير زيت الزيتون وشوية الزعفران الحر، وشرملي اللحم مزيان بهاد المكونات.

تحضير البصلة: قطعي 3 بصلات شرائح رقيقة، وزيدي عليهم الزعفران الحر، معلقة كبيرة قزبور ومعدنوس، وشوية الملحة. دلكي البصلة بيدك مزيان حتى تنسجم مع الربيع وتذبال شوية، هاد الخطوة هي اللي كتعطي المرق الخاتر.

ترتيب الطاجين: حطي اللحم هو الأول في الطاجين، وستفي فوق منه البصلة المتبلة. ردي البال ما تديري البصلة تحت اللحم باش ما تحرقش ليك.

المزيج السوسي (الحلو والمالح): زيدي شوية الجلبانة فوق البصلة، ومن بعد زيني بالزبيب، والبرقوق (مغسول ومحطوط نيشان بلا سلق)، والمشمش المجفف، والزيتون الأحمر، وحطي جوج فليفلات حارين من الفوق.

مرحلة الطهي: غطي الطاجين بورق الطبخ (ورق الزبدة) وعاد حطي الغطاء ديالو. حطيه على نار مهيلة بزاف بلا ما تزيديه حتى نقطة ماء. البصلة غدي تطلق الماء ديالها كافي للطياب.

سقي المكونات: مرة مرة حلي على الطاجين، وخدي بالمعلقة شوية من داك المرق (البلول) اللي ك يتكون وصيبيها فوق البصلة والفواكه الجافة باش يتشربوا المذاق.

اللمسة الأخيرة: ملي يطيب الطاجين ويتعلك، زيدي عليه خيط ديال زيت أركان إلا كان متوفر، وقدميه بالصحة والراحة وهو سخون.